இரண்டாம் பாதி – காமெடியும் பதற்றமும்!
இரண்டாம் பாதியில் சபரியின் பயம் தொடர்ந்து நம்மை பதற்றப்படுத்துகிறது.
அவனுக்கு ஏதாவது ஆபத்து வந்துவிடுமோ என்ற ஒரு கேள்வி படம் முழுக்க இருக்கிறது.
அதே நேரத்தில் பத்தா கொடுக்கும் ரியாக்ஷன்கள் பல இடங்களில் காமெடியை உருவாக்குகின்றன.
மூடியிருக்கும் பள்ளிக்குள் பத்தா ஏன் வந்தார் என்ற கேள்வியையும் படம் கடைசி வரை நம்மோடு எடுத்துச் செல்கிறது.
கடைசியில் அந்தக் கேள்விக்கான பதிலை கிளைமாக்ஸுடன் இணைத்திருக்கும் விதம் சுவாரஸ்யமாக இருக்கிறது.
ஒரு சிறுகதை படிப்பது போன்ற ஒரு டச்சும் அந்தப் பகுதியில் தெரிகிறது.
ஆனால், சபரி தப்பிப்பதற்காக மேற்கொள்ளும் போராட்டத்தை இன்னும் கொஞ்சம் சுருக்கமாக சொல்லியிருக்கலாம்.
அந்தக் காட்சிகள் தேவைக்கு அதிகமாக நீளும்போது படம் சற்று மெதுவாகிறது. குறிப்பாக, ஏற்கெனவே கதையின் முக்கியமான விஷயம் நமக்குப் புரிந்துவிட்ட பிறகும் சில காட்சிகள் தொடர்வதால் லேசாக சோர்வு வருகிறது.

